Taza khabar

  گوادر کے لیے مزید دو پروازیں بحال، تجارتی سرگرمیوں میں تیزی کی امید پاکستان انٹرنیشنل ایئر لائن (PIA) نے گوادر کے لیے مزید دو پروازیں بحال کر دی ہیں۔ یہ پیش رفت وفاقی وزیر برائے بحری امور محمد جنید انوار چوہدری کی کوششوں کا نتیجہ ہے، جنہوں نے گوادر کے لیے فضائی روابط کی بحالی کو اپنی اولین ترجیح قرار دیا۔ گوادر کے لیے نئی پروازوں کا آغاز کب ہوگا؟ پی آئی اے کی جانب سے کراچی سے گوادر کے لیے یہ نئی پروازیں اگست کے پہلے ہفتے سے باقاعدہ طور پر شروع کی جائیں گی۔ اس وقت گوادر کے لیے صرف ایک پرواز چل رہی تھی، جس کی وجہ سے تاجر برادری، بندرگاہ کے عملے، اور لاجسٹکس سیکٹر کو مشکلات کا سامنا تھا۔ پروازوں کی بحالی: وزیراعظم کے وژن کی عکاسی وفاقی وزیر محمد جنید انوار چوہدری نے بیان میں کہا کہ: "گوادر کے لیے پروازوں کا اضافہ وزیراعظم شہباز شریف کے کاروبار دوست وژن کا عملی مظہر ہے۔ سی پیک کے تحت جاری ترقیاتی منصوبوں کی بروقت تکمیل کے لیے فضائی رابطوں کی بہتری نہایت ضروری ہے۔" گوادر فری زونز اور تجارتی سرگرمیاں گوادر فری زونز کی فعالی کے لیے بہتر ایوی ایشن انفراسٹرکچر ناگزیر ...

  سندھ اسمبلی ارکان نے 200 یونٹ کے بعد اضافی بل کو ختم کرنے مطالبہ کردیا اور کہا بجلی بلوں میں کم سے کم حد 300 یونٹ مقرر کی جائے۔    نیپرا کی جانب سے 50 ارب روپے کا بوجھ ڈالنے کیخلاف سندھ اسمبلی میں قراداد پر بحث ہوئی،ایم کیو ایم رکن اسمبلی عامر صدیقی نے کہا کہ کے الیکٹرک بلوں کے ذریعے عوام پر 50 ارب روپے کا بوجھ ڈالا گیا،پی ٹی آئی کے پارلیمانی لیڈر شبیر قریشی کا کہنا تھا کہ 200 یونٹ کے بعد اضافی بل کو ختم کیا جائے، بجلی بلوں میں کم سے کم حد 300 یونٹ مقرر کی جائے۔   صوبائی اسمبلی نے بھی کہا یہ ایوان 200 یونٹ کی پالیسی تبدیل کرنے کا مطالبہ کرتا ہے، سندھ حکومت وفاقی حکومت سے رابطہ کرے 200 یونٹ کی حد کو بڑھائے،حیسکو اور سیپکو کی لوڈ شیڈنگ کی کوئی حد نہیں، سندھ کے متاثرہ علاقوں میں 2گھنٹے بجلی ہوتی ہے 4گھنٹے نہیں ہوتی۔   خیال رہے حکومت نے فیصلہ کیا تھا کہ بجلی کے پروٹیکٹڈ صارفین کی کیٹیگری بتدریج ختم کردی جائے گی، جس کے بعد ماہانہ 200 یونٹ تک بجلی استعمال کرنے والے شہری بھی سبسڈی سے محروم ہو جائیں گے۔   اجلاس میں پاور ڈویژن کے سیکرٹری ڈاکٹر فخر عالم عرفان نے بر...

  وفاقی حکومت نے بجلی کے کنکشن کے حصول کے قوانین میں ترمیم کرنے کا فیصلہ کر لیا۔  نیپرا نے لیسکو سے گھریلو، کمرشل اور صنعتی کنکشنز کے لئے اہم دو سے پانچ دستاویزات پر تجاویز مانگ لیں جبکہ ڈیمانڈ نوٹس کیساتھ بینک میں ٹیسٹ رپورٹ جمع کروانے کی شرط بھی ختم کر دی جائیگی۔  قوانین میں ترمیم گھریلو، کمرشل اور صنعتی صارفین کے کنکشنز کے لئےکی جائیگی،نیپرا نےکمرشل کے لئے تین جبکہ صنعتی صارفین کے لئے پانچ اہم دستاویزات کی تفصیلات مانگ لیں۔ نیپرنے ڈیمانڈ نوٹس کیساتھ بینک میں ٹیسٹ رپورٹ جمع کروانے کا فیصلہ بھی تبدیل کرنے کی ہدایت کی ہے جبکہ میٹرز کی تنصیب سے قبل صارفین سے ٹیسٹ رپورٹ حاصل کرنے کی ہدایات جاری کر دی گئی ہیں۔ بل ازیں صارفین ڈیمانڈ نوٹس کیساتھ بینک میں ٹیسٹ رپورٹ جمع کروا رہے ہیں،بینک ڈیمانڈ نوٹس جمع کرنے کے بعد ٹیسٹ رپورٹ متعلقہ دفاتر کو بھجواتے ہیں،متعلقہ دفاتر سے تصدیق ہونے کے بعد کنکشن لگایا جاتا ہے،ترمیم کے ذریعے صارفین کو کنکشن کی فراہمی میں آسانی پیدا کی جائیگی۔

   کراچی میں سی ٹی ڈی سے فائرنگ کے تبادلے میں چائنیز پر حملوں میں ملوث 3 دہشتگرد مارے گئے۔   انچارج سی ٹی ڈی راجہ عمر خطاب نے سول ہسپتال کے باہر میڈیا سے گفتگو کرتے ہوئے بتایا کہ منگھو پیر میں سی ٹی ڈی اور حساس ادارے کے اہلکاروں نے کالعدم تنظیم کے کارندوں کی موجودگی کی اطلاع پر ایک گھر پر چھاپہ مارا، کافی دیر تک دہشتگردوں سے فائرنگ کا تبادلہ جاری رہا۔   انہوں نے کہا کہ فائرنگ کے تبادلے میں تینوں دہشتگرد موقع پر مارے گئے، دہشت گرد سنگین وارداتوں میں ملوث تھے، دہشت گردوں کا تعلق کالعدم ٹی ٹی پی سے ہے، ہلاک دہشت گردوں میں ایک خودکش حملہ آور تھا۔

  ملک بھر میں ماہ صفر کا چاند نظر نہیں آیا، یکم صفر المظفر 1447 ہجری اتوار 27 جولائی کو ہو گا۔    مرکزی رویت ہلال کمیٹی کا اجلاس وزارت مذہبی امور کے مرکزی دفتر اسلام آباد میں ہوا،اس کے ساتھ ہی زونل اور ضلعی سطح کی کمیٹیوں کے اجلاس بھی منعقد ہوئے۔   ملک بھر صفر کا چاند نظر نہیں آیا۔کل 30 محرم الحرام 1447 ھ ہے۔ یکم صفر المظفر 1447 ہجری اتوار 27 جولائی کو ہو گا۔    چیئرمین رویت ہلال کمیٹی مولانا سید محمد عبدالخبیر آزاد کے اعلان کے مطابق نوٹی فکیشن جاری کر دیا گیا۔    یاد رہے کہ سپارکو نے صفر کا چاند آج شام نظر نہ آنے کی پیش گوئی کی تھی اور کہا 25 جولائی کو چاند کی عمر صرف 19 گھنٹے ہوگی۔  

  پاکستان اور متحدہ عرب امارات کے درمیان تجارتی تعاون میں نمایاں اضافہ — SIFC کی پالیسیوں کا کلیدی کردار  پاکستان اور متحدہ عرب امارات (یو اے ای) کے درمیان باہمی تعاون میں نمایاں پیش رفت دیکھنے میں آئی ہے، جس کا بڑا سہرا "اسپیشل انویسٹمنٹ فیسیلیٹیشن کونسل" (SIFC) کی مؤثر پالیسیوں کو دیا جا رہا ہے۔ اس مضبوط شراکت داری کا عملی ثبوت دونوں ممالک کے درمیان دو طرفہ تجارت میں 20.24 فیصد کا شاندار اضافہ ہے، جس کا حجم اس وقت 10.1 ارب ڈالر تک جا پہنچا ہے، جیسا کہ اسٹیٹ بینک آف پاکستان نے رپورٹ کیا ہے۔ پاک-یو اے ای جوائنٹ منسٹریل کمیشن کا 12واں اجلاس حال ہی میں منعقد ہونے والے پاک-یو اے ای جوائنٹ منسٹریل کمیشن کے بارہویں اجلاس نے تجارت، سرمایہ کاری، فوڈ سیکیورٹی، ہوابازی، آئی ٹی اور توانائی جیسے مختلف شعبوں میں تعاون کے نئے امکانات پر تفصیلی بات چیت کی۔ یہ جامع انداز دونوں ممالک کے درمیان تعلقات کو مزید مضبوط بنانے کا عکاس ہے۔ اقتصادی ماہرین کی رائے تجزیہ کاروں کا ماننا ہے کہ اس بڑھتے ہوئے تجارتی اور صنعتی تعاون سے پاکستان کی درآمدی بل میں نمایاں کمی آ سکتی ہے اور ملک میں روزگار کے...

  پاک فوج کے شعبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چودھری نے کہا کہ مٹھی بھر دہشت گرد بلوچستان سمیت پاکستان کی مجموعی ترقی اور خوشحالی کا راستہ نہیں روک سکتے۔   ڈی جی آئی ایس پی آر لیفٹیننٹ جنرل احمد شریف چودھری نے کنگ ایڈورڈ میڈیکل یونیورسٹی کا دورہ کیا، یونیورسٹی آمد پر انتظامیہ اور طلبا نے ڈی جی آئی ایس پی آر کا استقبال کیا،ڈی جی آئی ایس پی آر نے یونیورسٹی کے دورے کے دوران آپریشن بنیان مرصوص میں پاک افواج کی حکمت عملی پر روشنی ڈالی اور کہا کہ معرکہ حق میں فتح مُبین میں عوام کی حمایت بالخصوص نوجوانوں کا کردار اہم رہا، کشمیر پاکستان کی شہ رگ تھا،ہے اور رہےگا۔   لیفٹیننٹ جنرل احمد شریف چودھری کا کہنا تھاکہ بلوچ عوام پاکستان سے تاریخ، مذہب، ثقافت اور روایت کے رشتوں میں جُڑی ہے، مٹھی بھر دہشت گرد بلوچستان اور پاکستان کی مجموعی ترقی اور خوشحالی کا راستہ نہیں روک سکتے۔   آئی ایس پی آر کے مطابق آپریشن بنیان مرصوص کی تاریخی فتح پر طلبا و طالبات نے افواجِ پاکستان کو خراجِ تحسین پیش کیا اور طلبا و طالبات اور فیکلٹی ممبران نے ایسے مزید انٹریک...

  ملکہ الزبتھ کا شادی کا لباس 2026 میں عوام کے لیے نمائش پر پیش: 10,000 موتیوں سے سجا تاریخی جوڑا لندن: برطانیہ کی عظیم ترین شخصیات میں شمار ہونے والی ملکہ الزبتھ دوم کا دلکش اور تاریخی شادی کا لباس 2026 میں پہلی بار مکمل تفصیل کے ساتھ عوامی نمائش کے لیے پیش کیا جائے گا۔ بکنگھم پیلس میں ہونے والی اس نمائش کا انعقاد ملکہ کے 100ویں یومِ پیدائش کی مناسبت سے کیا جا رہا ہے۔ ملکہ الزبتھ کا شاہی شادی کا لباس: ایک فیشن شاہکار ملکہ الزبتھ نے 20 نومبر 1947 کو شہزادہ فلپ سے شادی کی تھی، اور اس موقع پر انھوں نے برطانوی ڈیزائنر نارمن ہارٹنل کے تیار کردہ دیدہ زیب لباس کا انتخاب کیا تھا۔ نارمن ہارٹنل نے شادی کے لباس کے 12 مختلف ڈیزائنز پیش کیے، جن میں سے آخرکار ایک منفرد لمبے بازو والا لباس منتخب ہوا، جو نہ صرف آنکھوں کو خیرہ کرنے والا تھا بلکہ شاہی وقار کی مکمل عکاسی بھی کرتا تھا۔ اس لباس کی خاص بات اس پر کیے گئے 10,000 امریکی موتیوں کا استعمال تھا، جبکہ 13 فٹ لمبی ریشمی ٹول (tulle) کی ٹرین نے اس لباس کو بے مثال بنا دیا۔ نمائش کی تفصیلات یہ نمائش بہار 2026 میں کنگز گیلری، بکنگھم پیلس ...

  یو اے ای کے سفیر کی فرسٹ لیڈی آصفہ بھٹو زرداری سے ملاقات – دو طرفہ تعلقات اور ترقیاتی تعاون پر تبادلہ خیال متحدہ عرب امارات کے سفیر جناب حماد عبید ابراہیم سالم الزعابی نے آج پاکستان کی فرسٹ لیڈی محترمہ آصفہ بھٹو زرداری سے بلاول ہاؤس کراچی میں ملاقات کی۔ اس اہم ملاقات میں دو طرفہ تعلقات کو مزید مضبوط بنانے، ثقافتی و معاشی تعاون کے فروغ، اور سماجی بہبود کے منصوبوں پر تبادلہ خیال کیا گیا۔ اعلیٰ سطحی وفد کی شرکت ملاقات میں یو اے ای کے قونصل جنرل ڈاکٹر بخیت عتیق الرمیثی، سندھ کے صوبائی وزیر سید ناصر حسین شاہ، اور میئر کراچی بیرسٹر مرتضیٰ وہاب بھی شریک تھے۔ وفد کی اس سطح پر شرکت اس بات کی غمازی کرتی ہے کہ دونوں ممالک کے تعلقات میں مزید وسعت لانے کا عزم مضبوط ہے۔ دو طرفہ تعلقات کی اہمیت پر زور فرسٹ لیڈی آصفہ بھٹو زرداری نے پاکستان اور متحدہ عرب امارات کے درمیان دیرینہ اور برادرانہ تعلقات کو سراہا اور پاکستان میں انسانی ہمدردی و ترقیاتی منصوبوں میں یو اے ای کے کردار کو خراج تحسین پیش کیا۔ ترقیاتی اور سماجی تعاون پر بات چیت ملاقات کے دوران اقتصادی، ثقافتی، اور فلاحی شعبوں میں تعاون کے نئے...

  اماراتی موبائل دل کے کلینکس کی سندھ کے دیہی علاقوں میں خدمات – دل کے امراض کی بروقت تشخیص کیلئے نئی مہم کا آغاز یومِ عہد اتحاد کے موقع پر اماراتی موبائل دل کے کلینکس نے پاکستان کے دیہی علاقوں میں دل کی بیماریوں کی بروقت تشخیص کے لیے ایک جامع مہم کا آغاز کیا ہے۔ اس اقدام کا مقصد بزرگوں، خواتین اور بچوں کو معیاری تشخیصی، علاجی اور احتیاطی طبی خدمات فراہم کرنا ہے۔ یہ طبی مہم متحدہ عرب امارات کے "ینگ ہیومنیٹیرین لیڈرز پروگرام" کے تحت، اماراتی اور پاکستانی ڈاکٹروں کی نگرانی میں جاری ہے، اور یہ اقدام دنیا بھر میں انسانی خدمت کے لیے یو اے ای کے عزم کا تسلسل ہے۔ موبائل کلینکس ایک مربوط فیلڈ سسٹم کے تحت کام کر رہے ہیں، جن میں ماہر امراضِ قلب، بچوں کے ڈاکٹر، فیملی فزیشنز، فارماسسٹ، نرسیں، اور لیب ٹیکنیشن شامل ہیں۔ تمام میڈیکل مشورے اور ادویات مفت فراہم کی جا رہی ہیں۔ یہ منصوبہ یو اے ای-پاکستان فیلڈ کلینکس کے 25 سالہ انسان دوست سفر کا تسلسل ہے، جس سے اب تک دس لاکھ سے زائد مریض مستفید ہو چکے ہیں۔ یہ مہم زاید گیونگ انیشی ایٹو، شارجہ چیریٹی ہاؤس، یو اے ای کمیونٹی موبائل کلینکس، اور...

  یو اے ای جون 2025 میں پاکستان میں سب سے بڑا سرمایہ کار، چین اور ہانگ کانگ بالترتیب دوسرے اور تیسرے نمبر پر اسلام آباد: اسٹیٹ بینک آف پاکستان (SBP) کی جانب سے جاری کردہ تازہ اعداد و شمار کے مطابق، جون 2025 کے دوران متحدہ عرب امارات (U.A.E) پاکستان میں سب سے بڑا غیر ملکی سرمایہ کار کے طور پر ابھرا، جس کی خالص براہ راست سرمایہ کاری (FDI) $62.65 ملین ریکارڈ کی گئی۔ دوسرے نمبر پر چین رہا، جس نے $49.03 ملین جبکہ ہانگ کانگ نے $41.2 ملین کی سرمایہ کاری کی۔ 11 ماہ کے دوران چین سرفہرست سرمایہ کار مالی سال 2024-25 کے پہلے 11 ماہ (11MFY25) کے دوران چین سب سے بڑا سرمایہ کار رہا، جس کی کل خالص براہ راست سرمایہ کاری $1.22 بلین ریکارڈ کی گئی۔ اس کے بعد ہانگ کانگ ($470.14 ملین) اور متحدہ عرب امارات ($283.07 ملین) نے نمایاں سرمایہ کاری کی۔ کل FDI میں 4.67 فیصد اضافہ اس عرصے کے دوران پاکستان میں کل FDI $2.46 بلین رہی، جو کہ گزشتہ مالی سال کے اسی عرصے (11MFY24) میں ریکارڈ ہونے والی $2.35 بلین کے مقابلے میں 4.67 فیصد زائد ہے۔ چین کی سرمایہ کاری میں 90.33 فیصد اضافہ چین نے مجموعی FDI کا تقریباً...

  متحدہ عرب امارات میں فری لانسنگ کا فروغ: نوجوانوں اور معیشت کے لیے روشن مواقع تیزی سے بڑھتی ہوئی فری لانسنگ ایکوسسٹم متحدہ عرب امارات (UAE) دنیا کے اُن ممالک میں شامل ہے جہاں فری لانسنگ کا رجحان نہایت تیزی سے فروغ پا رہا ہے۔ 2023 میں عالمی گِگ اکانومی کا حجم 455 ارب امریکی ڈالر تک پہنچ گیا، اور مشرق وسطیٰ و شمالی افریقہ (MENA) خطہ اس شعبے میں سب سے زیادہ تیزی سے ترقی کرنے والے علاقوں میں شامل ہے۔ UAE میں 100,000 سے زائد لائسنس یافتہ فری لانسرز ٹیکنالوجی، میڈیا، تعلیم، صحت اور پائیداری جیسے اہم شعبہ جات میں کام کر رہے ہیں۔ یہ اعداد و شمار اس بات کی عکاسی کرتے ہیں کہ UAE میں فری لانسنگ صرف ایک پیشہ ورانہ آپشن نہیں بلکہ معیشت کی ترقی کا ایک مؤثر ذریعہ بن چکی ہے۔ حکومتی اقدامات: فری لانسرز کے لیے آسانیاں UAE حکومت نے فری لانسرز کی حوصلہ افزائی کے لیے کئی مثبت اقدامات کیے ہیں۔ فری لانس ویزا ، سادہ لائسنسنگ سسٹم، اور فری زونز میں لچکدار فریم ورک جیسے کہ ایکسپو سٹی دبئی میں ایک یا دو سالہ پرمٹ کی سہولت، ایسے عوامل ہیں جو اس شعبے کو مزید فروغ دیتے ہیں۔ یہ حکومتی پالیسیاں ابھرتی...

  بنوں میں سی ٹی ڈی نے ٹارگٹ کلنگ میں ملوث 3 دہشت گردوں کو ہلاک کردیا۔   سی ٹی ڈی بنوں اور مقامی پولیس نے نواز آباد تھانہ میریان کے علاقے میں دہشت گردوں کی موجودگی کی اطلاع پر انٹیلی جنس بیسڈآپریشن کیا۔   ترجمان سی ٹی ڈی نے بتایا کہ آپریشن کے دوران فائرنگ کے تبادلے میں تین دہشتگردوں کو ہلاک کیا جو پولیس اہلکاروں کی ٹارگٹ کلنگ میں ملوث تھے۔   ترجمان سی ٹی ڈی کے مطابق ہلاک دہشت گردوں سے اسلحہ اور گولا بارود برآمد کیا گیا، دہشت گردوں کا تعلق کالعدم ٹی ٹی پی ضرار گروپ سے تھا۔

  لکی مروت میں وانڈا امیر کے قریب شرپسندوں نے بیٹنی آئل فیلڈ سے پنجاب جانے والی مین گیس پائپ لائن کو دھماکے سے اڑا دیا۔   تھانہ صدر پولیس کے مطابق بیٹنی آئل فیلڈ دھماکے کے بعد امدادی ٹیمیں اور سیکیورٹی فورسز موقع پر پہنچ گئیں اور علاقے کو گھیرے میں لے لیا۔    حکام نے کہا کہ پائپ لائن کو پہنچنے والے نقصان کا جائزہ لیا جا رہا ہے اور جلد از جلد مرمت کا کام شروع کر دیا جائے گا۔    پولیس کا کہنا ہے کہ واقعے کے بعد علاقے میں سیکیورٹی مزید سخت کر دی گئی ہے۔   واضح رہے کہ گزشتہ ایک ماہ کے دوران گیس پائپ لائن کو تیسری مرتبہ نشانہ بنایا گیا ہے۔  

  فاسٹ کیبلز اب TAQA کا تصدیق شدہ وینڈر: عالمی توانائی منصوبوں کے لیے ایک نیا سنگِ میل متحدہ عرب امارات (UAE) میں قائم TAQA ایک معروف اور متنوع یوٹیلیٹی و انرجی کمپنی ہے جو بجلی و پانی کی پیداوار، ترسیل و تقسیم، اور پائیدار پانی کے حل جیسے شعبہ جات میں اپنی خدمات فراہم کر رہی ہے۔ یہ کمپنی توانائی کی مکمل ویلیو چین میں سرگرم ہے، جس میں اپ اسٹریم اور مڈ اسٹریم آئل و گیس سے لے کر پاور جنریشن تک کے مراحل شامل ہیں۔ TAQA دنیا کے مختلف خطوں میں کام کر رہی ہے، جن میں UAE، نیدرلینڈز، برطانیہ، گھانا، بھارت، عراق، مراکش، شمالی امریکہ اور سعودی عرب شامل ہیں۔ TAQA کا عالمی مشن TAQA جدید ٹیکنالوجی، بہترین توانائی انفراسٹرکچر اور عالمی معیار کی آپریشنل مہارت فراہم کرتی ہے۔ کمپنی کا مقصد عالمی سطح پر پائیدار ترقی اور توانائی کی حفاظت کو فروغ دینا ہے، تاکہ دنیا کے اسٹریٹجک منصوبوں میں اہم کردار ادا کیا جا سکے۔ فاسٹ کیبلز کی بڑی کامیابی حال ہی میں، فاسٹ کیبلز نے اعلان کیا ہے کہ وہ اب TAQA کا تصدیق شدہ وینڈر بن چکی ہے۔ اس کامیابی کی بدولت، فاسٹ کیبلز اب TAQA کے علاقائی اور بین الاقوامی توانائی...

  وفاقی وزیرداخلہ محسن نقوی کے دورہ ایران کے دوران پاکستانی زائرین کوبڑی خوشخبری مل گئی،ایران نے پاکستانی زائرین کے لیے ویزا پالیسی جاری کر دی ۔ وفاقی وزیرداخلہ محسن نقوی نے آج تہران میں ہونےوالے پاکستان، ایران اور  عراق کے سہ فریقی اجلاس میں شرکت کی،اجلاس میں اربعین چہلم سید الشہداء ؑ کے موقع پر زائرین کو درپیش مسائل کے حل اور سہولیات کی فراہمی پر تبادلہ خیال کیا گیا۔ اربعین چہلم سید الشہداءؑ کے لئے ایرانی ویزے کا اجراء یکم صفر سے 16 صفر تک جاری رہے گا،ایران نے پاکستانی زائرین کے لیے ایرانی ویزا فیس مکمل طور پر مفت کر دی، ڈبل انٹری ویزا کے لیے بھی ویزا فیس مفت کر دی گئی ،اربعین چہلم سید الشہداءؑ پر زائرین کا رجسٹرڈ قافلے/کاروان کے ساتھ ہونا ضروری ہے۔ اربعین چہلم سید الشہداءؑ پر زائرین کے زمینی سفر کے لیے قافلے کے پاس اپنی بس کا انتظام لازمی ہے،عراقی مؤثر ویزا ایرانی ویزے سے پہلے حاصل کرنا ضروری ہے،سفر کی بیمہ انشورنس فیس عام حالات کے مقابلے میں نصف ہوگی۔ پاکستان،ایران اورعراق کے وزرائے داخلہ کے تہران میں ہونےوالے اجلاس میں پاکستان نے ایران پر اسرائیلی حملے کی کھل کر مذمت کی...

  وزیراعظم شہباز شریف کا عزم: "ہم نے مشکل حالات میں حکومت سنبھالی اور متحد ہوکر آگے بڑھنے کا فیصلہ کیا" وزیراعظم شہباز شریف نے کہا ہے کہ ہم نے نہایت مشکل اور کٹھن حالات میں ملک کی باگ دوڑ سنبھالی، مگر ہمت، اتحاد اور پختہ عزم کے ساتھ پاکستان کو بحران سے نکالنے کے لیے عملی اقدامات کیے۔ انہوں نے یہ بات پاکستان سمر اسکالرز انٹرن شپ پروگرام کے تحت منتخب طلبا سے خطاب کرتے ہوئے کہی۔ ڈیفالٹ کا خدشہ تھا، مگر ہم بچا لے گئے وزیراعظم نے کہا کہ سال 2023 میں معاشی ماہرین کی اکثریت کا خیال تھا کہ پاکستان خدانخواستہ دیوالیہ ہو جائے گا، لیکن ہم نے پختہ یقین کے ساتھ آئی ایم ایف کے ساتھ مذاکرات کیے، معاہدے کو کامیابی سے مکمل کیا اور پاکستان کو ڈیفالٹ ہونے سے بچا لیا۔ معاشی بہتری کی جھلک: پالیسی ریٹ 11 فیصد پر آ گیا شہباز شریف نے بتایا کہ حکومت کی مؤثر معاشی پالیسیوں کے نتیجے میں معاشی اشاریے بہتری کی جانب گامزن ہیں۔ انہوں نے کہا کہ پالیسی ریٹ کم ہوکر 11 فیصد پر آ گیا ہے اور توقع ہے کہ مزید کمی سے عوام کا بینکوں پر انحصار کم ہوگا اور نجی سرمایہ کاری میں اضافہ ہوگا، جو معیشت کے لیے خوش آئ...

    وفاقی وزیر داخلہ محسن نقوی کا دورہ متحدہ عرب امارات:  ابوظہبی، 11 جولائی – وفاقی وزیر داخلہ پاکستان محسن نقوی نے متحدہ عرب امارات (UAE) کا سرکاری دورہ کیا، جہاں انہوں نے امارات کے نائب وزیر اعظم اور وزیر داخلہ لیفٹیننٹ جنرل شیخ سیف بن زاید النہیان سے ملاقات کی۔ اس ملاقات کا مقصد دونوں ممالک کے درمیان سیکیورٹی، انسداد منشیات، اور امیگریشن کے شعبوں میں دوطرفہ تعاون کو فروغ دینا تھا۔ شاندار استقبال اور گارڈ آف آنر محسن نقوی کو وزارت داخلہ امارات پہنچنے پر پرجوش استقبال دیا گیا اور گارڈ آف آنر پیش کیا گیا۔ ملاقات کے دوران انہیں اعلیٰ اماراتی حکام سے متعارف کرایا گیا اور باہمی دلچسپی کے امور پر تفصیلی گفتگو کی گئی، خاص طور پر پاکستانی شہریوں کے لیے ویزا سہولیات میں آسانی اور ورک ویزا کے حصول کو آسان بنانے پر زور دیا گیا۔ ویزا پالیسی میں نرمی کی یقین دہانی وزیر داخلہ محسن نقوی نے اماراتی قیادت پر زور دیا کہ ویزا پالیسی میں نرمی پاکستانیوں کے لیے باعثِ راحت ہو گی۔ ان کا کہنا تھا: "ہم چاہتے ہیں کہ پاکستانی شہری آسانی سے متحدہ عرب امارات آئیں۔ ویزا پالیسی میں نرمی بہت بڑا...

  بلوچستان کے ضلع خاران میں زلزلے کے جھٹکے، شہریوں میں خوف و ہراس خاران (بلوچستان): بلوچستان کے ضلع خاران اور گرد و نواح میں زلزلے کے جھٹکے محسوس کیے گئے، جس کے باعث عوام میں شدید خوف و ہراس پھیل گیا۔ زلزلہ پیما مرکز کے مطابق ریکٹر اسکیل پر زلزلے کی شدت 3.8 ریکارڈ کی گئی، جبکہ زلزلے کی زیر زمین گہرائی 30 کلومیٹر تھی۔ زلزلے کا مرکز کہاں تھا؟ ماہرین کا کہنا ہے کہ زلزلے کا مرکز خاران شہر سے 34 کلومیٹر جنوب مشرق کی جانب واقع تھا۔ اچانک زلزلے کے جھٹکوں نے شہریوں کو خوفزدہ کر دیا، اور لوگ کلمہ طیبہ کا ورد کرتے ہوئے گھروں سے باہر نکل آئے۔ جانی و مالی نقصان کی تفصیلات تاحال کسی جانی یا مالی نقصان کی کوئی اطلاع موصول نہیں ہوئی، تاہم زلزلے کے بعد محکمہ موسمیات اور مقامی انتظامیہ کی جانب سے صورتحال پر نظر رکھی جا رہی ہے۔ ملک بھر میں خراب موسم، الرٹ جاری واضح رہے کہ ان دنوں ملک بھر میں طوفانی بارشوں کا سلسلہ جاری ہے، جس کے باعث کئی علاقوں میں بجلی کا نظام درہم برہم ہو چکا ہے اور الرٹ جاری کیا جا چکا ہے۔

  کراچی میں ڈیفنس فیز 6 کے فلیٹ سے اداکارہ حمیرا اصغر کی ملنے والی لاش کا پوسٹ مارٹم مکمل کر لیا گیاجبکہ  پولیس کاماڈل واداکارہ کے گھر والوں سے بھی رابطہ ہوگیا ہے، لیکن تاحال کوئی شخص ان کی لاش وصول کرنے نہیں آیا۔ ڈیفنس فیز 6 کے فلیٹ سے ماڈل و اداکارہ حمیرااصغرکی لاش ملنے کے معاملے پرگذری پولیس کا متوفیہ کے گھر والوں سے رابطہ ہوگیاہے، ایس ایچ او گذری فاروق سنجرانی کے مطابق حمیرا اصغر کے والد سے رابطہ ہوا ہے ،لیکن حمیرا کے والد نے کراچی آنے سے انکار کرتے ہوئے کہاہے کہ انہوں نے کافی عرصے قبل حمیرا سے قطع تعلق کرلیا تھا۔

  پاکستان نے بنگلادیش کے خلاف ٹی 20 سیریز کے لیے 15 رکنی اسکواڈ کا اعلان کر دیا پاکستان کرکٹ بورڈ (پی سی بی) نے بنگلادیش کے خلاف تین میچوں پر مشتمل ٹی 20 سیریز کے لیے 15 رکنی قومی اسکواڈ کا باضابطہ اعلان کر دیا ہے۔ اس سیریز میں پاکستان ٹیم کی قیادت تجربہ کار آل راؤنڈر سلمان علی آغا کریں گے۔ سیریز کا شیڈول اور مقام یہ ٹی 20 سیریز 20، 22 اور 24 جولائی 2025 کو بنگلادیش کے دارالحکومت ڈھاکا میں کھیلی جائے گی۔ یہ سیریز دونوں ٹیموں کے لیے ورلڈ کپ سے قبل ایک اہم امتحان سمجھی جا رہی ہے، جس میں کھلاڑیوں کی کارکردگی اور ٹیم کمبی نیشن کو آزمایا جائے گا۔ اسکواڈ میں نوجوان اور تجربہ کار کھلاڑیوں کا امتزاج پی سی بی کی جانب سے اعلان کردہ ٹیم میں نوجوان ٹیلنٹ اور تجربہ کار کرکٹرز کا بہترین امتزاج شامل ہے، جو ٹیم کی مجموعی کارکردگی کو مضبوط بنانے میں اہم کردار ادا کر سکتے ہیں۔ پاکستان ٹی 20 اسکواڈ برائے بنگلادیش سیریز: سلمان علی آغا (کپتان) ابرار احمد احمد دانیال فہیم اشرف فخر زمان حسین طلعت خوشدل شاہ عباس آفریدی صاحبزادہ فرحان محمد حارث صائم ایوب سلمان ...

  کرس ووکس کی وضاحت: "کنگ بابر" تبصرہ صرف مذاق تھا، پاکستانی فینز نے غلط مطلب لیا انگلش کرکٹر کرس ووکس نے حال ہی میں ایک پوڈکاسٹ میں پاکستانی کرکٹر بابر اعظم پر کیے گئے تبصرے کی وضاحت کر دی ہے۔ ووکس نے کہا کہ سوشل میڈیا پر "کنگ بابر" لکھنا صرف ایک دوستانہ مذاق تھا جسے پاکستانی فینز نے غلط انداز میں لیا ۔ "کنگ بابر" صرف ایک انسٹاگرام مذاق تھا – کرس ووکس کرس ووکس کے مطابق، وہ جنوبی افریقی لیگ میں ویان ملڈر کے ساتھ کھیل رہے تھے۔ ملڈر کی ایک انسٹاگرام پوسٹ پر ووکس نے "کنگ بابر" لکھا، جسے پاکستانی شائقین نے سنجیدگی سے لے لیا اور ووکس کو تنقید کا نشانہ بنانا شروع کر دیا۔ انہوں نے بتایا: "ویان ملڈر کی انسٹاگرام پوسٹ پر 'کنگ بابر' لکھنا صرف مذاق تھا۔ پاکستانی فینز ملڈر کو بار بار یہ لقب لکھ کر تنگ کر رہے تھے، تو ہم دوستوں نے بھی ہنسی مذاق میں یہی کہا۔" پاکستانی فینز کی جذباتی ردعمل ووکس نے اس بات پر زور دیا کہ ان کا تبصرہ بابر اعظم کی تضحیک نہیں تھا بلکہ یہ دوستی اور مزاح کے جذبے کے تحت کیا گیا۔ ان کے بقول: "بابر اع...

 متحدہ عرب امارات کی واٹر سیکیورٹی اسٹریٹجی 2036: پائیدار پانی کی فراہمی کی جانب مؤثر قد م متحدہ عرب امارات (UAE) میں پانی کے قدرتی ذرائع کی محدودیت کے باوجود حکومت ایک جامع اور پائیدار پالیسی کے تحت پانی کی دستیابی کو یقینی بنا رہی ہے۔ واٹر سیکیورٹی اسٹریٹجی 2036 اس سلسلے میں ایک تاریخی قدم ہے جو نہ صرف روزمرہ حالات بلکہ ہنگامی صورتحال میں بھی پانی کی مسلسل فراہمی کو ممکن بنانے کے لیے تیار کی گئی ہے۔ پانی کے تحفظ کے لیے جامع قومی حکمت عملی یہ اسٹریٹجی ایک جامع قومی نقطۂ نظر سے تیار کی گئی ہے جس میں پانی کی سپلائی چین کے تمام عناصر شامل کیے گئے ہیں۔ مختلف وفاقی اور مقامی اداروں کی شرکت سے یہ حکمت عملی اس قابل ہوئی ہے کہ وہ ملک بھر میں پانی کے ہر شعبے کو بہتر انداز میں کور کرے۔ واٹر سیکیورٹی اسٹریٹجی کے اہم اہداف پانی کے کل استعمال میں 21 فیصد کمی واٹر مینجمنٹ کو بہتر بنا کر پانی کے وسائل پر بوجھ کم کرنے کا ہدف رکھا گیا ہے تاکہ مستقبل میں پانی کی کمی سے بچا جا سکے۔ پانی کی پیداوار کی شرح کو 110 امریکی ڈالر فی مکعب میٹر تک بڑھانا یہ اقدام پانی کو زیادہ مؤثر اور پائیدار ط...

  🌍 ورلڈ چیمپئن شپ آف لیجنڈز (WCL) 2025: پاکستان چیمپئنز ایک بار پھر میدان میں تیار! ورلڈ چیمپئن شپ آف لیجنڈز (WCL) ٹی 20 لیگ ایک بار پھر شائقین کرکٹ کے جوش و خروش کو ہوا دینے والی ہے، کیونکہ اس کا دوسرا سیزن جولائی 2025 سے انگلینڈ کے شہر برمنگھم میں شروع ہو رہا ہے۔ چھ لیجنڈری ٹیمیں—پاکستان، بھارت، آسٹریلیا، انگلینڈ، جنوبی افریقہ، اور ویسٹ انڈیز—ایک بار پھر ٹائٹل کے لیے مقابلہ کریں گی۔ 🇵🇰 پاکستان چیمپئنز: ایک نظر پچھلے سیزن پر پچھلے سال، یونس خان کی قیادت میں پاکستان چیمپئنز نے بہترین کارکردگی کا مظاہرہ کیا۔ انہوں نے آسٹریلیا، ویسٹ انڈیز، انگلینڈ اور خاص طور پر بھارت کے خلاف شاندار فتوحات حاصل کیں۔ بھارت کے خلاف 243/4 کا بڑا اسکور اور 68 رنز سے فتح سب سے یادگار رہی۔ 🏆 بدقسمتی سے فائنل میں شکست پاکستان نے سیمی فائنل میں ایک بار پھر ویسٹ انڈیز کو ہرا کر فائنل میں جگہ بنائی، مگر فائنل میں بھارت کے خلاف 157 رنز کا دفاع نہ کر سکے اور 19.1 اوورز میں شکست کا سامنا کرنا پڑا۔ 📅 WCL 2025 مکمل شیڈول لیگ مرحلہ: 18 جولائی: پاکستان چیمپئنز بمقابلہ انگلینڈ چیمپئنز 20 جولائی: ...

  جے یو آئی کے تحصیل امیر مفتی حبیب اللہ حقانی کا قتل – دیر بالا میں افسوسناک واقعہ خیبر پختونخوا کے ضلع دیر بالا کی تحصیل براول میں ایک دل دہلا دینے والا واقعہ پیش آیا جہاں جمیعت علمائے اسلام (ف) کے تحصیل امیر مفتی حبیب اللہ حقانی کو فائرنگ کر کے قتل کر دیا گیا۔ پولیس ذرائع کے مطابق یہ واقعہ گزشتہ شب پیش آیا جب نامعلوم مسلح افراد ان کے گھر میں داخل ہوئے اور انہیں گولی مار کر شہید کر دیا۔ واقعے کے بعد علاقے میں خوف و ہراس کی فضا قائم ہے۔ پولیس کا مؤقف اور تفتیشی اقدامات پولیس کا کہنا ہے کہ ملزمان کی شناخت اور گرفتاری کے لیے سرچ آپریشن جاری ہے۔ ابتدائی تفتیش کے مطابق حملہ آوروں نے منصوبہ بندی کے تحت کارروائی کی اور موقع واردات سے فرار ہونے میں کامیاب ہو گئے۔ پولیس نے جائے وقوعہ سے شواہد اکٹھے کر لیے ہیں اور تفتیش کے دائرہ کار کو وسیع کر دیا گیا ہے۔ نماز جنازہ کا اعلان مفتی حبیب اللہ حقانی کی نمازِ جنازہ آج دوپہر 2 بجے کوبین بالا سکول براول میں ادا کی جائے گی۔ جنازے میں جے یو آئی (ف) کے کارکنان، مقامی رہنما، اور بڑی تعداد میں عوام کی شرکت متوقع ہے۔ سیاسی و مذہبی رہنماؤں کا ردع...

  پاکستان ایئرپورٹ اتھارٹی کا بڑا فیصلہ: ایئرکارگو چارجز میں 100 گنا اضافہ 📅 2 جولائی 2025 | ✍️ رپورٹ: 24 نیوز ڈیسک پاکستان ایئرپورٹ اتھارٹی نے ایوی ایشن سیکٹر سے متعلق ایک بڑا اور حیران کن فیصلہ کرتے ہوئے ایئرکارگو چارجز میں 100 گنا تک اضافہ کر دیا ہے۔ حکام کا کہنا ہے کہ یہ فیصلہ پانچ سال بعد کیا گیا ہے اور اس کا مقصد ریونیو میں اضافہ اور ایئرپورٹ انفراسٹرکچر کو بہتر بنانا ہے۔ ✅ چارجز میں نمایاں تبدیلیاں ایئرپورٹ اتھارٹی کی جانب سے جاری کردہ نوٹیفکیشن کے مطابق: 🐦 پالتو پرندے ساتھ لے جانے کی فیس میں 50 فیصد اضافہ کیا گیا ہے۔ 🐕 بلی، کتے اور دیگر پالتو جانوروں کے لیے کارگو چارجز میں نمایاں اضافہ ہوا ہے۔ 🌿 پان کے پتے اور دیگر جنرل کارگو پر بھی نئی شرحیں نافذ العمل ہیں۔ 📦 جنرل کارگو چارجز میں 100 گنا اضافہ نے کاروباری طبقے میں تشویش کی لہر دوڑا دی ہے۔ 📊 کارگو چارجز میں اضافہ: وجوہات پاکستان ایئرپورٹ اتھارٹی کے مطابق یہ فیصلہ پانچ سال بعد کیا گیا ہے۔ اتھارٹی کا مؤقف ہے کہ: مہنگائی اور آپریٹنگ اخراجات میں مسلسل اضافہ ہو رہا ہے۔ ایئرپورٹ کی سہولیات ک...

  پاکستان اور بھارت کے درمیان قیدیوں کی فہرستوں کا تبادلہ ، دفتر خارجہ کا بیان پاکستان اور بھارت کے درمیان قیدیوں کی فہرستوں کا سالانہ تبادلہ قونصلر رسائی معاہدہ 2008ء کے تحت یکم جولائی کو ہوا۔ ترجمان دفتر خارجہ نے ایک بیان میں اس تبادلے کی تصدیق کرتے ہوئے کہا کہ دونوں ممالک نے ایک دوسرے کو اپنی جیلوں میں موجود قیدیوں کی تازہ فہرستیں فراہم کی ہیں۔ پاکستان نے بھارتی قیدیوں کی فہرست فراہم کی ترجمان کے مطابق، پاکستان نے 246 بھارتی یا ممکنہ بھارتی قیدیوں کی فہرست بھارت کو فراہم کی ہے۔ ان قیدیوں میں 53 عام شہری اور 193 ماہی گیر شامل ہیں۔ بھارت کی طرف سے پاکستانی قیدیوں کی فہرست ادھر بھارت نے 463 پاکستانی یا ممکنہ پاکستانی قیدیوں کی فہرست پاکستان کو دی ہے، جن میں 382 پاکستانی شہری اور 81 ماہی گیر شامل ہیں۔ پاکستان کا مؤقف اور انسانی بنیادوں پر مطالبات دفتر خارجہ کے ترجمان نے کہا کہ پاکستان نے ان تمام قیدیوں کی فوری رہائی کا مطالبہ کیا ہے جن کی سزائیں مکمل ہو چکی ہیں ۔ مزید برآں، پاکستان نے ان قیدیوں کے لیے قونصلر رسائی کی درخواست دی ہے جو جسمانی یا ذہنی بیماریوں کا شکار ہ...